तुळसुली कर्याद नारुर ग्रामपंचायत अंतर्गत तुळसूली कार्याच्या माध्यमातून गावाच्या शैक्षणिक व सामाजिक विकासासाठी एक महत्त्वपूर्ण पाऊल उचलण्यात आले आहे. या उपक्रमांतर्गत दोन जिल्हा परिषद शाळा तसेच एक अंगणवाडी येथे सौरऊर्जा (Solar Power) प्रणालीची स्थापना यशस्वीरीत्या करण्यात आली आहे.
तुळसुली कर्याद नारुर कार्याच्या माध्यमातून राबविण्यात आलेला हा उपक्रम स्वच्छ, हरित व शाश्वत ऊर्जेचा आदर्श नमुना ठरत आहे. पर्यावरण संरक्षणासोबतच वीज खर्चात बचत होऊन ग्रामपंचायतीस आर्थिक दिलासा मिळणार आहे.
या उपक्रमाच्या यशस्वी अंमलबजावणीसाठी नरूर ग्रामपंचायत, स्थानिक नागरिक, शिक्षकवर्ग व संबंधित सर्व घटकांचे सहकार्य लाभले. ग्रामपंचायतीने पुढील काळातही शाळा, अंगणवाडी व सार्वजनिक संस्थांमध्ये सौरऊर्जेचा वापर वाढविण्याचा मानस व्यक्त केला आहे.
हा उपक्रम ग्रामीण भागातील इतर ग्रामपंचायतींसाठी प्रेरणादायी ठरेल, अशी अपेक्षा व्यक्त करण्यात येत आहे.
About the Author
